Okkur er umhugað um að þjónusta vinnustaðinn þinn með viðeigandi þjónustulausnum sem auðvelda ykkur að skapa gott andrúmsloft og eftirsóknarvert umhverfi fyrir starfsfólk, skjólstæðinga og gesti.
Dagar sérhæfa sig í vinnustaðalausnum sem henta þörfum starfsfólks þannig að það geti einbeitt sér að kjarnastarfseminni í jákvæðu, hvetjandi og öruggu vinnuumhverfi.
Dagar bjóða upp á þjónustu við framreiðslu og frágang á hádegismat fyrir starfsfólk fyrirtækja.
Allt okkar starfsfólk í mötuneytum hefur lokið námskeiðum í hreinlætis- og gæðamálum og fengið þjálfun í öruggri meðhöndlun matvæla. Við leggjum einnig áherslu á að ráða til okkar starfsfólk sem býr yfir frumkvæði og þjónustulund. Fagleg og vönduð vinnubrögð auka starfsánægju og það skilar sér alla leið til viðskiptavinarins.
Aðlaðandi kaffihorn sem tengja saman starfsfólk úr ólíkum deildum vinnustaðarins eru oft vettvangur samskipta sem leiða af sér góðar hugmyndir.
Hjá Dögum færðu gott úrval af vistvænum rekstrarvörum sem viðurkenndar eru með norræna umhverfismerkinu Svaninum. Við tökum einnig að okkur umsjón með lagerstöðu rekstrarvara í fyrirtækjum og sjáum til þess að ávallt sé nóg af hreinlætisvörum þegar á þarf að halda.
Dagar bjóða viðskiptavinum sínum margnota handklæði, viskustykki og afþurrkunarklúta til afnota á kaffistofur, matsali og salerni allt eftir óskum hvers og eins. Við sjáum um að útvega, þvo og skipta um.
Hlýjar móttökur með fallegum og hreinum mottum.
Við erum með frábært úrval af endingargóðum gólfmottum sem koma í veg fyrir að bleyta og óhreinindi berist um húsnæðið þitt. Mottur eru nauðsynleg vörn við innganga og á öðrum álagssvæðum. Þær auka endingu gólfefna og minnka kostnað vegna viðhalds gólfa.
Hafðu samband og fáðu faglega ráðgjöf hjá okkur um val og staðsetningu á mottum.
