Um síðustu helgi tók starfsfólk Daga þátt í að skapa einstaka upplifun fyrir gesti Evrópsku kvikmyndaverðlaunanna í Hörpu. Þetta er einn stærsti viðburður af þessari tegund sem haldinn hefur verið á Íslandi og fyrsti svokallaði A-lista viðburðurinn sem haldinn hefur verið hér á landi.
Hátt í 1.400 gestir voru viðstaddir verðlaunahátíðina sjálfa og sýnt var beint frá henni, hér heima og víða erlendis. Mikilvægi þess að framkvæmd hátíðarinnar gengi hnökralaust fyrir sig var ótvíræð þar sem að hátíð sem þessi stuðlar að öflugri kynningu og markaðssetningu á Íslandi og Reykjavík sem áfangastað og tökustað fyrir kvikmyndir.
Við hjá Dögum erum stolt af því að hafa tekið þátt í þessu einstaka verkefni og óskum við vinningshöfum til hamingju með verðlaunin og þökkum öllum framkvæmdaaðilum fyrir frábært samstarf við að halda stærsta viðburð sem haldinn hefur verið í Hörpu frá opnun.
Dagar hafa endurnýjað samning sinn við íslenskunámsappið Bara tala vegna mikillar ánægju starfsfólks. Bara tala byggir á gervigreind og íslenskri máltækni sem gerir notendum kleift að æfa íslensku í gegnum samtöl og fá endurgjöf í rauntíma.
Við hjá Dögum erum afar stolt af því að hafa hlotið viðurkenningu Creditinfo sem eitt af Framúrskarandi fyrirtækjum ársins 2024.
Heiða er 58 ára og hefur starfað sem þjónustustjóri hjá Dögum og ISS, forvera þess, frá 2008. Heiða greindist með brjóstakrabbamein árið 2021 og gekk í gegnum erfiða krabbameinsmeðferð en hefur verið krabbameinslaus frá því í byrjun árs.
