Síðastliðin tvö ár hafa Dagar nýtt sér púlsmælingar Moodup, sem veita stjórnendum heildstæða innsýn í líðan starfsfólks. Þetta gerir þeim kleift að hlusta á starfsfólk og bregðast við á árangursríkan hátt. Þættir sem mældir eru snúa að líðan og upplifun starfsfólks, tækifærum til vaxtar, aðbúnaði, starfsánægju, heilsu og vellíðan, auk þess hversu vel starfsfólk samsamar sig fyrirtækinu.
Dagar eru meðal þeirra vinnustaða sem uppfylla skilyrði Moodup til að hljóta viðurkenninguna „Vinnustaður í fremstu röð 2024“.
Til þess að hljóta þessa viðurkenningu þurfa fyrirtæki að uppfylla þrjú skilyrði:
Mæla starfsánægju að minnsta kosti einu sinni á ársfjórðungi.
Bregðast við endurgjöf starfsfólks.
Ná árangursviðmiði um starfsánægju miðað við aðra íslenska vinnustaði.
Með því að uppfylla þessi skilyrði hafa Dagar sýnt í verki að stjórnendur hlusta á starfsfólk, taka álit þess alvarlega og vinna markvisst að því að viðhalda og efla starfsánægju.
Við erum afar stolt af þessari viðurkenningu, sem staðfestir að Dagar leggja metnað í að skapa framúrskarandi starfsumhverfi og tryggja vellíðan starfsfólks.
Dagar hf. hafa nú birt sjálfbærniskýrslu fyrir árið 2024, þar sem gerð er grein fyrir helstu markmiðum, aðgerðum og árangri fyrirtækisins í loftslags- og umhverfismálum.
Nú á dögunum afhentum við Gullna brosið, sem er viðurkenning til starfsfólks og byggir á ábendingum, hrósi og endurgjöf frá viðskiptavinum ásamt tilnefningum frá stjórnendum og samstarfsfólki.
Við hjá Dögum erum stolt af skrefi, sem tekið var síðasta haust, í átt að umhverfisvænni ræstingum - innleiðingu SURE hreinsiefna í daglegri ræstingu.
